ප්‍රභාෂ්ගේ සටහන්

Techකතා යනු කුමක්ද?

2011-11-24T17:49:00.000+05:30

http://techkatha.com නැතහොත් Techකතා යනු ඕනෑම ආකාරයේ තාක්ෂණික ගැටළුවක් සඳහා පිළිතුරු සපයා දෙන, තාක්ෂණික පුවත් හා නව සොයාගැනීම් පිළිබඳව හෙළිදරව් කරන පොඩ්කාස්ටින් (Podcasting) හා සිංහල බ්ලොග් මුසුවක් ලෙස පරිශීලකයින් වෙත එන වෙබ් අඩවියකි. බ්ලොග් රේඩියෝවක් ලෙසද එය හැඳින්විය හැකිය.

Techකතා බාවිතා කරන ආකාරය ගැන දැනගැනීමට මෙම පුරුකට යන්න. http://www.techkatha.com/how-to-use

පරිගණක ආශ්‍රිතව වේවා අන්තර්ජාල පරිශීලනයේදී වේවා, මෘදුකාංග හෝ දෘඩාංග භාවිතය සම්බන්ධයෙන් පැන නගින ගැටළු, ජංගම දුරකථනය, රූපවාහිනිය මෙන්ම නව සන්නිවේදන ක්‍රමෝපායයන් හි පවතින ගැටළු මේ ආකාර බහුවිධ තාක්ෂණ ගැටළුවලින් වත්මන් සමාජයේ විවිධ පිරිස් පෙළෙන බව නොරහසකි. ඇතැමුන් දන්නා බව පෙන්වමින් තවත් අය මුලාවේ හෙළන අතර, නිවැරදි අවබෝධයක් දැක්මක් ලබා ගත නොහැකිවීමෙන් ‍බොහෝ දෙනා තාක්ෂණයෙන් උපරිම ඵල නෙලාගැනීමට නොහැකිව පසුවෙති. අක්‍රමවත් පාඨමාලා හා ලිපි ලේඛන ආශ්‍රයෙන් අසම්පූර්ණ දැනුමක් අසංවිධිත ලෙස සමාජයට ගලා ඒමේ ප්‍රවණතාව බහුල සමයක අපි සිටිමු. Techකතා බිහි වන්නේ තමන්ගේ දැනුම අන් යහපත සඳහා යෙදවීමේ අවශ්‍යතාව ප්‍රබලව දැනුණු එවන් මොහොතක ඇතිවුණු සාකච්ඡාවක ප්‍රතිඵලයක් ලෙසිනි.

වෙබ් අඩවියට එක් කරන ලද මුල් වැඩසටහන් සතියකට වරක් පටිගත කර පරිශීලකයින් හට ලබා දුන් අතර, මාස කිහිපයක් ගතවීමේදී වෙබ් අඩවිය මගින් දියත් කළ චැට් (http://techkatha.com/chat) කාමරයක් තුළට සජීවී අත්දැකීමක් ලබා දෙමින් සාකච්ඡාව සිදුවන මොහොතෙහිම විකාශය ද සිදු කරන්නට කණ්ඩායම කටයුතු කළහ.

Techකතාවල විශේෂත්වය ‍වන්නේ එය සෑම සියලු ආකාරයකින්ම මිත්‍රශීලී ලෙස පරිශීලකයා වෙත ළඟා වීමට කටයුතු කර තිබීමයි. නිදසුන් දක්වතොත් Techකතා වෙත ප්‍රශ්න යොමු කිරීමේදී SMS වැනි පණිවිඩ ක්‍රමවේද හරහා මෙන්ම, Techකතා වෙබ් අඩවියේ ඇති ආකෘති පත්‍රය පිරවීම මගින්, දුරකථනය මගින්, විද්‍යුත් තැපෑලෙන් (info [at] techkatha.com) (http://www.techkatha.com/how-to-use/) ද ‍නැතිනම් සජීවී පටිගත කිරිම සුදුවන සෑම සිකුරාදාවකම සවස 9.00 සිට Techකතා චැට් කාමරය හරහා යන ඕනෑම ආකාරයකින් කෙනෙකුට සිය ගැටළු ඉදිරිපත් කළ හැකිය. එහි අනෙක් විශේෂත්වය වන්නේ යුනිකෝඩ් සිංහල භාවිතයෙන්, ඉංග්‍රීසියෙන් හෝ සිංග්‍රීසියෙන් සිය ගැටළු ඉදිරිපත් කළ හැකිවීමයි.

භාෂා බාධකය නොතකා හරිමින් සෑම තරාතිරමකම ඕනෑම අයෙකුට නවීන තාක්ෂණයේ දොරගුළු විවර කර දීම කණ්ඩායමේ අරමුණ වන හෙයිනි. එමෙන්ම Techකතා පටිගත කරන ලද වැඩසටහන්, ඉතා අඩු ගුණාත්මක අන්තර්ජාල සබඳතා සඳහා වෙනමම හා පුළුල් පරාස අන්තර්ජාල ‍සේවා භාවිත කරන්නන් සඳහා වෙනමම වශයෙන් වැඩ සටහන් දෙකක් ලෙස ලබා දෙයි. තවද, පරිගණකයක් නැති අයෙකුට හෝ පරිගණකයක් නොමැති ස්ථානයකදී වුවද Techකතා ජංගම දුරකතන වෙබ් අඩවිය (http://m.techkatha.com) ඔස්සේද ජංගම දුරකතන මගින් සවන්දීමට ගැකිය. සමාජයේ සියලු දෙනාට සමීප විය හැකි වන සේ Techකතා ඉදිරිපත් කිරීම සඳහා කණ්ඩායම නිරන්තරයෙන් සිය අවධානය ‍ යොමු කර සිටී.

මේ සියල්ලටම වඩා වැදගත් වන්නේ Techකතා කණ්ඩායම කිසිදු මූල්‍යමය ලාභයක් අපේක්ෂාවකින් තොරව සම්පූර්ණයෙන්ම නොමිලයේ සිදු කරන සේවාවක් වීමයි.

Techකතා හා සම්බන්ධ වැදගත් සබැදි

Twitter : http://twitter.com/techkatha

Facebook : https://www.facebook.com/groups/Tkatha/

Google Groups : http://groups.google.com/group/techkatha

iTunes : http://itunes.apple.com/podcast/id363485844

iPhone Applications : http://itunes.apple.com/us/app/tech-katha/id452671508?mt=8

මෙම ලිපියේ මුල් ලිපිය

සුබ අලුත් අවුරුද්දක් වේවා ....... ! ! !

2011-04-14T06:46:00.000+05:30

මෙවර සිංහල දෙමළ අළුත් අවුරුද්ද බත බුලතින් සපිරි සාමය සතුට පිරි වාසනාවන්ත සුබ අලුත් අවුරුද්දක් වේවා ....... ! ! !

இனிய சித்திரை புத்தாண்டு நல் வாழ்த்துக்கள் உரித்தாகட்டும் .......!!!

Wishing you a Happy prosperous Sinhala & Tamil New Year ...!!!

කොළඹ වටේ 3D ලෙස ළඟදීම

2010-07-04T08:29:00.000+05:30

දැනට වසරකට පමණ පෙර ලංකාවේ පළමු සිංහල ජංගම දුරකතන ක්‍රීඩාව ලෙස GTS ආයතනය විසින් එලි දක්වන ලද කොළඹ වටේ ක්‍රීඩාව 3D මාධ්‍යයෙන් එලිදැක්වීමට සූදානම් වනබව ඔවුන්ගේ වෙබ්අඩවිය දක්වයි.

මෙම නව සංස්කරණයේ
1. පාලිත පෙරේරාගේ හඬින් ක්‍රීඩාවේ ක්‍රීඩාශීලිබව වැඩිකිරීමට
2. තමන්ට කැමති වාහනයක් තෝරාගැනීමේ හැකියාව ඇතිකිරීමට
3.කොළඹ පරිසරය 3D ආකාරයට දැක්වීමට
4.දෙදෙනෙකුට ක්‍රීඩාකිරීමේ හැකියාව ඇතිකිරීමට
5. සැමදෙනාගේම වැඩිම ලකුණු මතකයේ තබාගැනීමට
සහ තවත් බොහෝ අංග ඇතුලත් කිරීමට මෙහි නිර්මාපකයෝ සැරසෙති.

මේ පිළිබඳ විස්තර http://games.lk/ මගින් හෝ @colomboride මගින් ලබාගත හැක.

Colombo Ride 3D Trailer

සිංහල මිනි බ්ලොග් මැරතන් නිමයි

2010-04-25T08:04:00.000+05:30

ඊයේ රාත්‍රී 8 සිට සාර්ථකව පැය 12 පුරා දිගහැරුනු සිංහල මිනි බ්ලොග් මැරතන් ඉසවුව මෙසේ නිමාවන වගයි.

ගූගල්ගේ සමාජජාල අඩවිය

2010-04-25T00:44:00.000+05:30

ශ්‍රී ලංකාවේ සමාජජාල අඩවි කිවුවම මතක් වෙන්නේ මූනුපොතනේ (සමාජජාල අඩවි නෙමෙයි ලංකාවේ අන්තර්ජාලය කිවුවම මතක්වෙන්නේ මූනුපොත තමා)නමුත් මම මේ කියන්න යන්නේ ගූගල් ආයතනයෙන් පවත්වාගෙන යන සමාජජාල අඩවියක් ගැනයි එය orkut නම්වේ.

ගිහින්ම බලන්න. http://www.orkut.com

ලොව ප්‍රථම වෙබ් සර්වරය ගැන දන්නවාද??

2010-04-24T21:15:00.000+05:30

මේක තමයි මගේ ප්‍රථම මැරතන් පෝස්ට් එක. පරක්කුඋනාට සමාවෙන්න ඕන මොනවා කරන්නද මට අනිද්දා විභාගක් තියෙනවා නොවැ. පොතක් පතක් බලන්නත් වෙනවානේ.

ලොව ප්‍රථම ඩොමේන් නාමය උනේ http://info.cern.ch/ එය CERN ආයතනයේ NeXT පරිගණකයක 1990දී Tim Berners-Lee විසින් ප්‍රදර්ශනයකට නිපදවන ලදී.

වැඩි විස්තර සඳහා http://info.cern.ch/

ලොව ප්‍රථම වෙබ් පිටුව http://www.w3.org/History/19921103-hypertext/hypertext/WWW/TheProject.html

ප.ලි. : මොකද දන්නෑ අද විස්තර කරලා ලියන්න කම්මැලියි. ටිකකින් විස්තර ඇතිව දාන්නම්..

පරිවර්තන මැරතන් තරගය - 2010 අප්‍රේල්

2010-04-12T20:31:00.002+05:30

ශ්‍රී ලංකාවේ පළමු වරට පරිවර්තන මැරතන් තරඟයක් 2010 අප්‍රේල් මස 27 දින රාත්‍රී 9.00 සිට 2010 අප්‍රේල් මස 28 වන දින රාත්‍රී 12.00 දක්වා පැවැත් වේ.
මෙහි අරමුණ වන්නේ දැනට අතුරු මුහුණතේ පරිවර්තන කටයුතු අවසන් වූ Openoffice.org සිංහල නිකුතුවට අදාල උදව් පිටු සිංහලින් සකස් කිරීමයි.
Openoffice.org සිංහල නිකුතුව සඳහා වචන 96,000 කට වඩා වැඩි ප්‍රමාණයක් සිංහලට හැරවීමට තිබු අතර මෙම උදව් පිටු සඳහා එමෙන් පස්ගුණයක් පමණ විශාල වූ කාර්යයක් නිම කිරීමට සිදුව ඇත.
100% නොමිලේ ලබා ගෙන Windows, GNU/Linux සහ MAC මත භාවිත කළ හැකි නිදහස් සහ විවෘත මෘදුකාංග අතරින් සුවිශේෂි මෘදුකාංගයක් වන Openoffice.org ව්‍යපෘතියට ආදරය කරන එමෙන්ම සිංහල බසින් මෘදුකාංග ප්‍රජාව අතරට යාම සඳහා දායකත්වයදීමට ලැදි ඔබ සැමට මින් ඇරයුම් කරමි.

ඔබ කොහොමඳ එක්වෙන්නේ?

Openoffice.org ශ්‍රී ලාංකික ප්‍රජාව භාවිත කරන තැපැල් ලැයිස්තුවට එක් වෙන්න.ඉන් අනතුරුව "Translation Marathon 2010 April "මාතෘකාව සහිතව ඔබේ සහයෝගය ලැබෙන බවට අපට විද්‍යුත් ලිපියක් එවන්න.
කරුණාකර මෙම මාතෘකාවම පමණක් භාවිත කරන්න.

ඔබ මොනවද දැනගත යුත්තේ?

සිංහල ලිවීම සඳහා සිංහල යුනිකෝඩ් භාවිතයෙන් ලිවීම අනිවාර්ය වේ. අදාල ඉංග්‍රිසි වදන් තේරුම් ගෙන එය සිංහලින් සරළව ලිවීමයි ඔබ කළ යුතු වන්නේ.
පරිගණක ක්‍රමලේඛනය පිළිබඳ දැනීමක් අවශ්‍ය නොවේ!

තනිවද තරග කරන්නේ?

ඔබට කැමති නම් තනිව හෝ කණ්ඩායමක් ලෙස තරඟ කළ හැක.
එනම් පාසැල්, විශ්ව විද්‍යාල, ආයතනික මිතුරන් සමඟ එක් රැස්වී තරඟ කළ හැක.

සයුරෙන් එහා ඉන්න මම?

ඔව් මව් රටින් බැහැර වුවත් ඔබටත් අන්තර්ජාලය හරහා දායක විය හැක.
පැය 27ක් පුරා දිවෙන බැවින් ඕනෑම වේලාකලාපයක කෙනෙක්ට සම්බන්ධ විය හැකියි. (දැනට එක්සත් රාජධානිය, සවුදි සහ ඉතාලියේ වෙසෙන ශ්‍රී ලාංකියන් සිව් දෙනෙක් සහය දීමට ඉදිරිපත්ව ඇත.)

දුවන අයට වතුර පාරක් ගහමුද?

ඔබට පරිවර්තන කාර්යයට එක් නොවුනත් මෙම වැඩසටහනට සහාය වීමට කැති නම් පහත දිස්වෙන ලෙස ඔබේ වෙබ්/බ්ලොග් අඩවියේ බැජ් එකක් ලෙස දැක්වීමට කාරුණික වන්න.

අදාල කේතය:

එන්න අපහා එක්වන්න.
මෙය සුවිශේෂි ප්‍රජා ව්‍යාපෘතියකට දායකත්වය ලබා දීමට ඔබට ඇති මහගු අවස්තාවකි.

- OpenOffice සිංහල ප්‍රජාව -

ජාතික රූපවාහිනිය, BIZWEEK හා සභ්‍යත්වය

2010-04-06T14:36:00.000+05:30

මම සාමාන්‍යයෙන් දවල් වරුවේ ගෙදර ඉන්නේ නෑ. ඒත් ගොඩදාගන්න අමාරුම විභාගයක් අතලඟ නිසාත්, මේ දවස්වල ඔෆිස් ගියා කියලා කරන්න දේවලුත් නැති නිසාත් ගෙදර ඉඳන් පාඩම් කරන්න හිතාගත්තා (හිතුවා විතරයි හො‍දේ). මට පාඩම්කරනවා කියන්නේ නිකන් මැරෙනවා වගේ වැඩක් ඉතින් මම ඕක කට්කරන්න ක්‍රමයක් හොයාගන්න දැම්මා TV එක පොඩ්ඩක්. මෙන්න බොලේ හෝගාලා බික්නි පිටින් නටනටා සිංදු කියනවා ඒත් පොඩි අමුත්තක් දැක්කා ‍මොකද්ද මේ..

TV එකේ තිරය උඩින් ලාංඡනේ තියෙනවා.. BIZWEEK කියලා වැඩසටහනක් ප.ව. 1 ඉදන් 3 වෙනකන් යනවාලු.

මට රූපවාහිනියේ මොනවා පෙන්නුවත් අවුලක් නෑ. ඒක මට අනවශ්‍යනම් මම වෙනත් චැනලයකට මාරුකරනවා. නමුත් ගැටළුව තියෙන්නේ ඉස්සර (දැනුත් එහෙමයි) අනිත් චැනල් වලට ජාතික රූපවාහිනිය ආදර්ශයකට ගන්න කියලා කිවුවා. ඒ ජාතික රූපවාහිනිය කරන ලද වැඩස‍ටහන් වල ප්‍රමිතිය නිසා. දැනුත් අපි කියන්නේ ඒකමද?? මොකද මම මේ දිනවල මෙවැනි දර්ශන කිසිම චැනලයක දැක්කේ ඉතාමත් අඩුවෙන් ඒත් ඉස්සර ඉඳලම මෙවැනි දේවල් ගියපු සිංහල නොවන චැනල් කිහිප‍යේ පමණයි. නමුත් ජාතික වටිනාකමක් ඇති රජයට අයත් ජාතික රූපවාහිනියේ මෙලෙස හැසිරීම අනුමත කල යුතුද??
හෙට සිට පාසල් නිවාඩු කාලයයි. ඉතින් පොඩිළමයින් දිවා කාලයේ රූපවාහිනී වටා රොක්වන කාලයයි. ළමයින් මේවා නැරබීම සුදුසුද?

කෝ පහුගිය දිනවල ‍පෞද්ගලික නාලිකා රටේ සදාචාරය විනාශ කරනවා කියූවන්ගේ කටවල් ගොලුවීද??

ප.ලි. : මෙම BIZWEEK නම් වැඩසටහනේ කිසිදු වරදක් නොමැති අතර එය තරුණ පරපුර ඉලක්කකරගත් හොද වැඩසටහනක් විය හැක. නමුත් එහි සමහර Visuals ජාතික නාලිකාව ලෙස ප්‍රචාරය කිරීම සුදුසු නොවේ යන්න මගේ මතයයි.

අනිච්චාවත සංඛාරා හිතමිතුරන්ගේ සෝ සුසුම් මැද IE6 ලොවින් සමුගනී.

2010-02-27T19:00:00.001+05:30

වසර අටකට වැඩිකලක් අන්තර්ජාලයේ යහතින් ජීවත්වූ Internet Explorer Six හෙවත් අපගේ හිතමිත්‍ර IE6 කැලිෆෝනියාහි මවුන්ටන් විවු හීදී 2010 මාර්තුමස පළමුවෙනිදා අභාවප්‍රාප්ත වේ. ‍මේ සම්බන්ධ අවසන් කටයුතු මාර්තු සිවුවන බ්‍රහස්පතින්දා දින පස්වරු 7ට Forest Room 5, 2532 15th Street, Denver, CO 80211-3902 හිදී පවුලේ හිතමිතුරන් හා ඔහුට ආදරය කලවුන්ගේ සෝ සුසුම් මැද සිදුකෙරේ

මීට ශෝකයට පත් IE7 පුතා සහ IE8 මිනිබිරී.

මේ පිළිබඳ වැඩි විස්තර http://ie6funeral.com/ මගින් ලබාගත හැක.

පාසල් සිසුන්ට වඩාත් සුදුසු වෙබ් සෙවුම්

2010-01-18T12:24:00.000+05:30

පසුගිය දවසක පළාතේ විදුහලක පරිගණක විද්‍යාගාරයක් භාර ගුරුතුමෙක් මගෙන් පොඩි ඉල්ලීමක් කරා. ඒ ඉල්ලීම තමයි කුඩා ළමුන්ට සහ පාසල් සිසුන්ට වඩාත් ගැලපෙන වෙබ්අඩවි සොයාගැනීමට උපකාර වන ලෙසයි. මෙතනදී මට කල්පනාකරේ එවැනි වෙබ්අඩවි සොයනවාට වඩා එවැනි වෙබ්අඩවි සෙවුමක් සෙවීම වඩාත් හොඳ බවයි. ඉතින් පුංචි පහේ කට්ටක් කාලා වෙබ් අඩවි ටිකක් හොයාගත්තා. මෙන්න ඒ වෙබ් අඩවි

1. http://kids.yahoo.com

   මෙය Yahoo! Inc හි කාර්ය මණ්ඩලය විසින් තෝරාගත් වෙබ්අඩවි වලින් යුතුවේ. මෙය වයස් කාණ්ඩ 7-12 වඩාත් ගැලපේ.
   2. http://www.askkids.com/
   මෙ‍ම වෙබ්අඩවි සෙවුම තුල අඩංගු සියලුම වෙබ්අඩවි, සංස්කාරවරයෙකු විසින් පිරික්සා තෝරාගන්නාලද වෙබ්අඩවි වේ.මෙය 6-12 අතර සිසුන්‍ට වඩාත් උචිතය
   3.http://www.super-kids.com/
   ප්‍රාථමික පන්තිවල සිසුන් සඳහා විශේෂයෙන්ම තෝරාගත් වෙබ්අඩවි වලින් පිරි මෙම වෙබ්සෙවුම කුඩා ළමුන්ගේ සිත් වශීකරවන සුලුලෙස නිමවා ඇත.
   4.http://awesomelibrary.org/
   මෙය 1995 ආරම්භකල ව්‍යාපෘතියකි. මෙහි විෂයන් අනුව පෙලගැස්වූ සම්පත් අඩවි 20000කට ආසන්න ප්‍රමාණයකින් යුක්තය. ඕනෑම වයසක සිසුන්ට ප්‍රායෝජනවත්ය.
   5. http://www.rcls.org/ksearch.htm
   ශිෂ්‍ය පර්යේෂණ සඳහා විශිෂ්ට වෙබ් සෙවුම් පිටුවකි.

මීට අමතරව තවත් වෙබ්අඩවි http://searchenginewatch.com/2156191 තුලින් ලබාගත හැක.

2010-01-01T00:54:00.001+05:30

ලැබුවාවූ 2010 වසර ඔබ සැමට කිරියෙන් පැණියෙන් ඉතිරෙන සුභ නව වසරක් වේවා!!

SBU හමුව ස‍හ අතුරු කථා

2009-12-21T12:25:00.000+05:30

19 උදෑසන නුවර දුම්රියපලින් කොළඔ බලා යන සීග්‍ර‍ගාමී දුම්රියට ගොඩවුනේ වසරකට වැඩිකාලයක් ආසාවෙන් කියවූ බොලොග් ස‍ටහන්වල සැබෑ හිමිකරුවන් දැකගැනීමේ නොනිමි ආශාව මුදුන්පත් කරගැනීමේ පරම පවිත්‍ර චේතනාවෙන්.

උදේ පාන්දර ටිකට් පෝලිමට සෙට් උනත් බොහෝදෙනා කලින් ආසන වෙන් කර තිබූ බැවින් විවෘත ටිකට්පතකින් සෑහීමට පත්වන්නට සිදුවුනා. පියාගේ මිතුරෙකු නිසා මට ආසනයක් හිමිවූ නිසා එතරම් ගැට‍ළුවක් උනේ නැහැ. ඉඳගෙන විනාඩි 5ක් ගියේ නැහැ මෙන්න අඳුරන පොරක් මං ඉස්සරහ‍ට වෙලා දත් කැකුළු පාලා සුරතල් හිනාවක් දාගෙන ඉන්නවා. කවුද මේ ඉතින් කලින් දවසේ ෆෝන් එකෙන් ටිකට් වෙන්කරගැනීමේ වාසනාව ලද (ඒක අපේ අවාසනාව ඇයි ඉතින් ඕක ගත්ත විදිහ කීපාරක් ට්වීට් කරාද?) මලින්ත මලයා. කොහොමහරි අපි දෙන්නා එක්සෙල් වර්ල්ඩ් එක‍ට 10 විතර වෙද්දි ආවා.

කොහොමහරි 11:30 විතර වෙද්දි හමුවෙ වැඩකටයුතු පටන්ගත්තා. කට්ටිය තමතමන් හදුන්වා දෙද්දි ඒ ඒ අයගේ බොලොග් කියවල මෙයා මේ විදිහයි කියල හිතන් හිටපුවා ඇත්ත වෙනකොට, පින්තූර වලින් විතරක් දැකල හිටපු අය හැබැහින් දකිනකොට අමුතු සතුටක් දැනෙන්නේ. මෙතෙන්දි තේරුනු තව දෙයක් තමයි SBU එක කොච්චර පැතිරිලාද කියන එක. මේක බොලොග් 600 කියන සංඛ්‍යාත්මක අගයේ විතරක් නෙවෙයි මෙතන විවිධ වයස් ‍මට්ටම්, සමාජ මට්ටම්, විවිධ විෂය ක්ෂ්‍රේත්‍ර නියෝජනය වෙනවා එතනදියි SBU එකේ වටිනාකම වැඩිවෙන්නේ. තම අදහස් කුමක් වුවද SBU එකේ මූලික නීති වලට එකඟවේනම් Syndiයට ඇතුලත්වීමේ හැකියාව මෙයට බලපාල තියෙනවා. එසේම මෙතෙන්දි පොඩි අඩුවකුත් දැක්කා ඒ SBU එකේ ස්ත්‍රී නියෝජනය අඩුවීම. ලංකාවේ බොහෝ වැඩවලදී මෙන්ම බ්ලොග්කරනයටද ස්ත්‍රී නියෝජනය තරමක් අඩුයි, මෙය ඉදිරියේදි වෙනස්වෙයි කියල හිතනවා. මෙම හමුවට බොලොග් කියවන්නන්ද පැමිණ සිටියා, ඔවුන්ද SBU එකේ කොටස්කරුවන් මොකද කියවන්නන් නොමැතිව බොලොග්හි පැවතීමක් නොමැතිවීමයි. මෙ‍ම අවස්ථාව‍ට සියයකට ආසන්න පිරිසක් සහභාගි වෙලා හිටියා. කාලිංග අයියා ‍ඇතුලු ඇඩ්මින්වරු මේක හොඳට සංවිධානය කරලා තිබුනා. විවිධ යෝජනා තර්ක විතර්ක සමඟින් 1.30 පමණ වෙනකොට රැස්වීමේ වැඩකටයුතු අවසන් වුනා. කොහොමහරි 3.00ට විතර ගත්ත සමූහ ජායාරූපයෙන් පස්සෙ මම, මලින්ත, ඩීප්ස්,මකරා ඇතුඵ නුවර ගැන්සිය එන්න පිටත් උනා.

අද්දන්න විනාඩියක් තියලා මලින්ත කොච්චියට නැග්ගා. ඉතුරු කට්ටිය බස් එකෙන් නුවර එන්න පිටත් උනා. මෙතෙන්දි මකරගෙ නින්දත් අමතක කරන්න බෑ. පොර කොටුවෙන් නිදාගත්තම මාවනැල්ලට එනකන් එක එක ඉරියවුවට හොදට නිදාගත්තා. අපරාදෙ කියන්න බෑ අපි ආපු බස් එකත් පොරට දෙන්න පුලුවන් හැම සපෝට් එකක්ම දුන්නා පැය 4ක්ම හෙමීට නුවර ඇවිත්. ඩීප්ස්ගෙ බ්ලොග් එක කියවල තිබුනට එදා තමයි හම්බඋනේ හැබැයි අපි වෙන්වෙනකොට අවුරුදු ගානක් හදුනන මිතුරන් බව‍ට පත්උනා කිවුවොත් නිවැරදියි. කොහොමහරි 7.30 විතර වෙද්දි මම ගෙදර ආවා.

සමූහ ඡායාරූපය

එ

රැස්වීමේ වීඩියෝපටය

විශේෂ ස්තූතිය කාලිංග අයියා ඔබට........

(ලියන්න හිතේ බොහෝ දේ තිබුනත් යතුරුලියනයේ වේගයත්, වේලාව මදකමත්නිසා කෙටිකිරීමට සිදුවිය)

දවසේ වැදගත් සිදුවීම්(Events, Appoinments) කෙටිපණිවිඩ (SMS) මගින් ලබාගැනීම (දෙවන කොටස)

2009-12-17T16:10:00.001+05:30

මෙහි පළමු කො‍ටස කියවීමට මෙතන කො‍ටන්න.

දැන් calender tab එක click කරන්න.

දැන් එහි ඇති Notifications මත click කරන්න

add reminder මත click කර ලැබෙන Drop Down Menu එකින් අවශ්‍ය පරිදි sms එක ලැබියයුතු වේලාව සකස් කරන්න.

මෙතනදීම ඔබ‍ට අවශ්‍යනම් email මගින්ද මතක්කරීමේ පණිවි‍ඩයක් ලබාගත හැක.

එසේම මෙම tab එක හරහා වෙනත් sms හා email පණිවිඩ ලබාගැනීම පාලනය කල හැක

දැන් Save Click කර සිදුකල වෙනස්කම් ස්ථිර කරන්න.

දවසේ වැදගත් සිදුවීම්(Events, Appoinments) කෙටිපණිවිඩ (SMS) මගින් ලබාගැනීම (පළමු කොටස)

2009-12-02T14:48:00.005+05:30

මම මේ කථාකරන්න යන සේවාව Google Calender හි එක් පහසුකමක්. මේකට Google Account එකක් ඕන වෙනවා. මේකට ඔබ දැනටමත් භාවිතා කරන Gmail ගිණුමද භාවිතා කල හැක.

පලමුව Google Account එකකින් log වෙන්න.

පසුව ඔබගේ රට සහ වේලා කලාපය (Time Zone) ලබාදෙන්න.

දැන් ඔබගේ google දින දර්ශනය ලබා‍ගත හැක.

එහි උඩ දකුණු කෙලවරේ ඇති Settings මත click කරන්නග එවි‍ට පහත පරිදි Settings ‍page එක දිස්වේවි.

දැන් එහි ඇති Mobile Setup තෝරා ගන්න

දැන් ඔබගේ රට තෝරා‍, ඔබගේ ජංගම දුරකථන අංකය ජාත්‍යන්තර ක්‍රමයට (රටේ සංකේත අංකය සමග) ලබාදී Send Verification Code යන්න තෝරාගන්න එවි‍ට ඔබගේ ජංගම දුරකථනයට Google නමින් Verification SMS එකක් පැමිනේවි. එහි ඇති Verification Code එක අදාල ස්ථානයේ ඇතුලත් කර Finish Setup තෝරන්න.

දැන් Save Click කර සිදුකල වෙනස්කම් ස්ථිර කරන්න.

නැවත පැමිනීම

2009-12-02T11:57:00.001+05:30

මම සද්දෙ දාල බොලොග් එකක් පටන්ගත්ත‍ට මොකද වැ‍ඩේ හරියට කරගන්න බැරි උනා..
ඒකට හේතු ගොඩක් බලපෑවා.. නමුත් ඒකටත් එක්ක දැන් ලියන්නයි බලාපොරොත්තුව..

ඒකට මම ඔබ සැමගේ සහයෝගය බලාපොරොත්තු වෙනවා....

දේශීය මෙහෙයුම් පද්ධතියක් හන්තාන ලිනක්ස් නමින් එළිදක්වයි.

2009-11-24T09:41:00.000+05:30

වසරකට අධික කාලයක් තිස්සේ කෙරුණු අත්හදා බැලීම්වලින් පසු හන්තාන ලිනක්ස් ව්‍යාපෘතියේ පළමු අදියර පසුගිය දා සම්පූර්ණ කෙරිණි. හන්තාන ලිනක්ස් මෙහෙයුම් පද්ධතිය දැන් සියලු පරිගණක පරිශීලකයින්ගේ භාවිතය උදෙසා අන්තර්ජාලය ඔස්සේත්, හන්තාන ප්‍රජාවේ ස්වේච්ඡා සම්පත් දායකයින් වෙතිනුත් ලබාගත හැකි ය

හන්තාන ලිනක්ස් යනු කුමක් ද? එය කාට ද?

හන්තාන ලිනක්ස් යනු සුප්‍රකට Fedora මෙහෙයුම් පද්ධතිය සම්මිශ්‍රණය කරමින් සකස් කළ ලිනක්ස් මෙහෙයුම් පද්ධතියකි. අන්තර්ජාල පහසුකම් අඩු පරිශීලකයින්ට, පාසැල් සිසුන්ට හා ගුරුවරුන්ට සහ අවම තාක්ෂණ හුරුවක් ඇති අයට පවා ඉතා පහසුවෙන් තම පරිගණක වැඩකටයුතු ඉටු කරගැනිමේ අවකාශ විවර කර දීමේ අරමුණින් හන්තාන ලිනක්ස් මෙහෙයුම් පද්ධතිය සම්පාදනය කර තිබේ.

Fedora වෙතින් ලැබෙන සියලු පහසුකම්, මෘදුකාංග හා ගුණාංග සියල්ල හන්තාන පද්ධතිය සතු වෙයි. ඊට අමතර ව කාර්යාලයීය, අධ්‍යාපනික, බහුමාධ්‍ය හා ග්‍රැෆික් අවශ්‍යතා සපුරාගැනීමට අවශ්‍ය මෘදුකාංග ගණනාවක් හන්තාන සමග කෙලින් ම ඔබ වෙත ලැබේ. සාමාන්‍ය PC එනම් i686 අකෘති වර්ගයේ පරිගණක සඳහා සැකසූ සජීව තැටියක (Live CD) ස්වරූපයෙන් හන්තාන ඔබ වෙත එයි. දෘඪ තැටියෙහි ස්ථාපනය කිරීමට පළමු ව ඔබට කෙලින් ම මේ සජීව තැටිය මගින්, මෙම මෙහෙයුම් පද්ධතියේ සියලු පහසුකම් ක්‍රියාත්මක කර පිරික්සා බැලීමට පුළුවන.

Fedora වෙතින් ලැබෙන සියලු විශේෂ පහසුකම්වලින් සමන්විත හන්තාන, ඊට අමතර බහුමාධ්‍ය කේතක ගණනාවක් ද පෙරනිමියෙන් ම ඇතුළත් කරගනී. එහෙයින් (MP3 වැනි) ඕනෑ ම බහුමාධ්‍ය අන්තර්ගතයක් සේ ම DVD ආදිය ද කෙලින් ම ධාවනය කිරීමේ පහසුකම හන්තාන සතු ය. හන්තාන බාගැනීමේ දී ඔබට Fedora මෙහෙයුම් පද්ධතියේ නවතම නිකුතුව මෙන් ම RPM Fusion සහ Livna මෘදුකාංග කෝෂ්ටාගාර ද ලැබෙන හෙයින් වෙනත් අමතර පිරියම් කිරීමක් අවශ්‍ය නො වේ. සැකෙවින් කියතොත්, හන්තාන ස්ථාපනය කළ සැණෙකින් ඔබේ කාර්යාලයීය, බහුමාධ්‍ය, ග්‍රැෆික්, අධ්‍යාපනික හා විනෝදාත්මක යන සියලු අංශවල අවශ්‍යතා සපුරාලීමෙයි සමත් වෙයි!

හන්තාන වේගවත් හා සැහැල්ලු ඩෙස්ක්ටොප් පරිසරයක් වන XFCE භාවිත කරන හෙයින් අවම බලයක් සහිත පරිගණකයක් වුව ද වේගවත්ව ධාවනය කිරීමට සමත් වන අතර ඔබේ දෘඪ තැටියේ ඉඩකඩ ද සුරකියි.

හන්තාන ඔබ අතට පත් වනුයේ සපුරා ම නොමිලේ හා නිදහස් ව බැවින් එය පිටපත් කිරීමට හා අන්‍යයන් සමග බෙදාහදාගැනීමට ඔබට සම්පූර්ණ නිදහස හිමි වේ.

හන්තාන ලිනක්ස්හි ලක්ෂන

Category Program Category Program
Office
OpenOffice Writer
Desktop XFCE
OpenOffice Calc
Education
avogadro
OpenOffice Impress
tuxmath
OpenOffice Base
dia
Planner
Language Support
Sinhala
evince
Tamil
Internet
alpine
kdeedu
empathy
Multimedia
Totem
firefox Gnome player
xchat gxine
Graphics
Blender
Utilities
xchm
Inkscape
unrar
GIMP
unace
Mirage
avant-window-navigator
Development C/C++ catfish
Phython
xfce4-power-manager
Ruby
xfce4-mixer
php
notecase
bluefish
galculator
geany alsa-plugins-pulseaudio
desktop-backgrounds-compat
liveusb-creator
NetworkManager-gnome
pavucontrol
setroubleshoot
xdg-user-dirs

මෙම පහසුකම් සියල්ල හන්තාන ලිනක්ස් ස්ථාපනය කිරීමේදීම ලැබෙන අතර පසුව වෙනත් මෘදුකාංග ස්ථාපනය කල හැක.

හන්තාන ප්‍රජාව

හන්තාන ලිනක්ස් මෙහෙයුම් පද්ධතිය සම්පූර්ණයෙන් ම ප්‍රජා නිෂ්පාදිතයකි. හන්තාන ව්‍යාපෘතිය වටා ගොනු වෙමින් තාක්ෂණික, භාෂාමය හා වෙනත් නානා විධ අංශයන්ගෙන් ස්වේච්ඡා දායකත්වය ලබා දෙන උද්‍යෝගීමත් ප්‍රජාව එහි ප්‍රධානතම ශක්තියයි. හන්තාන ලිනක්ස් භාවිත කරමින්, එහි සංවර්ධනයට පෙරළා දායක වෙමින් ඔබට ද එම ප්‍රජාවේ සාඩම්බර සාමාජිකයකු විය හැකියි!

හන්තාන ලිනක්ස් පිළිබඳ ඔබේ ගැටලුවලට විසඳුම් හන්තාන ලිනක්ස් ෆෝරමය හා#hanthana irc චැනලය ඔස්සේ ඉතා ඉක්මනින් ලබාගැනීමට පුළුවන.

වැඩි විස්තර සඳහා දැන් ම ප්‍රධාන හන්තාන ලිනක්ස් වෙබ් අඩෙවිය hanthana.orgපිවිසෙන්න.

තිර දසුන්

bestweb.lk හා myblog.lk සම්බන්ධව සිංහල බ්ලොග්කරුවන්ගේ සංසදයේ නිල ප්‍රකාශය

2009-11-17T12:11:00.000+05:30

bestweb.lk හා myblog.lk සම්බන්ධව සිංහල බ්ලොග්කරුවන්ගේ සංසදයේ නිල ප්‍රකාශය මෙසේ වේ.

ශ්‍රී ලංකා .LK වසම් ලේඛකාධිකාරිය (LK Domain Registry) මගින් මීට ටික කලකට පෙර Most Favourite Sri Lankan Website නම් තරගයක් ආරම්භ කරන ලදී. lk ඩොමේනයක් සහිත වෙබ් අඩවි මීට ඇතුළත් වීමට සුදුසුකම් ලැබූ අතර සිංහල, ඉංග්‍රීසි හා දෙමළ යන ත්‍රෛ භාෂා මාධ්‍යයෙන් අංශ 3න් තරග 3ක් පවත්වන ලදී. අදාල අංශයේ හොඳම වෙබ් අඩවිය තෝරන ලද්දේ පරිශීලක මනාපවලිනි. මේ කියන්නට සැරසෙන්නේ එම තරගාවලියේ අවසන් අදියරේදී රඟ දක්වන්නට සැරසෙන විකට ජවනිකාව පිලිබඳවය.

සිංහල බ්ලොග්කරුවන්ගේ සංසදය විසින් සිය සාමාජිකයන් වෙනුවෙන් නොමිලේ පවත්වාගෙන යන බ්ලොග් සේවය වන myblog.lk ද අප විසින් උක්ත තරඟයේ සිංහල භාෂා මාධ්‍ය අංශයට ඉදිරිපත් කරන ලදී. මනාප දැක්වීම අවසන් කරන දිනය වන විට එය අවසන් තරගකරුවන් 5 දෙනා අතරට පැමිණ ඇති බව දන්වන ලදී.

ඉන්පසුව තරඟ සංවිධායකවරුන් විසින් ඉදිරි වැඩ කටයුතු පිලිබඳව දැන්වීමට අප වෙත ඊමේල් පණිවුඩයක් එවන ලදී. සසික රණසිංහ නමින් එවා ඇති එහි සඳහන් ආකාරයට ත්‍යාග ප්‍රදානෝත්සවය නොවැම්බර් 20 වෙනි දින බත්තරමුල්ල Waters Edge හෝටලයේදී පැවැත්වෙනු ඇත. ත්‍යාග ප්‍රදානෝත්සවයට සහභාගී වන අය රු 3500/=ක් මිල වන ටිකට්පතක් මිලදීගත යුතු බව එහි පහළින් සඳහන් වන අතර, ටිකට්පත් ලබාගත හැකි ආකාර සවිස්තරාත්මකව සඳහන් කර ඇත.

ජයග්‍රාහකයන්ගෙන් මුදල් අයකර ත්‍යාග පිරිනමන තරගාවලියක් පිළිබඳව අපි මීට පෙර අසා නැත්තෙමු.

BestWeb.lk තරගාවලියේ ජයග්‍රහණය වෙනුවෙන් පිරිනැමෙන ත්‍යාගය වනුයේ සහතික පත්‍රයක් වන අතර. මේ සහතික පත්‍රය ලබාගැනීම සඳහා අදාළ අඩවිය නියෝජනය කරමින් පැමිණෙන සියලු දෙනා එක් අයෙක් රු 3500/= බැගින් වන පරිදි ටිකට්පත් මිලදී ගත යුතු ය! BestWeb.lk තරගාවලියේ නිල වෙබ් අඩවියේ (http://www.bestweb.lk/) සඳහන් පරිදි ලාංකික ආයතන හා සමාගම් රැසක් (ICTA, ඩයලොග්, සිරස මාධ්‍ය ජාලය, MTV, Sunday Times, Daily Mirror) මෙම තරගාවලිය සඳහා අනුග්‍රහකත්වය (Sponsorships) පිරිනමයි, එනම් මූල්‍යමය අනුග්‍රහයක් දක්වයි. එසේ තිබියදී ටිකට්පතකට රුපියල් 3500/=ක මුදලක් ජයග්‍රාහකයන්ගෙන් (නරඹන්නන්ගෙන් නොවේ) අය කිරීම අසාධාරණ නොවේද ?

සිංහල බ්ලොග්කරුවන්ගේ සංසදය වශයෙන් අපේ ස්ථාවරය නම් මෙය අපට කරන ලද අපහාසයක් ලෙස අප විසින් සලකන බවයි. මුදල් දී සහතිකපත් ලබාගැනීමට අපට කිසිදු අවශ්‍යතාවක් නැති අතර, මෙය මෙබඳු අන්දමේ තරගයක් බව මිට පෙර දැන සිටියානම් මෙම තරගයට ඉදිරිපත් වීමද අප විසින් නොකරනු ඇත. (මෙය ශ්‍රී ලංකා .LK වසම් ලේඛකාධිකාරිය මගින් සංවිධානය කිරීමත්, ICTA වැනි වගකිවයුතු ආයතනයක් අනුග්‍රහ දැක්වීමත් නිසා අප සිතුවේ මෙය ජාතික වැදගත්කමකින් යුතු එකක් ලෙස ය).

තරග සංවිධායකයන් අපට කර ඇති අවමානයට විරෝධය පෑමක් ලෙස සිංහල බ්ලොග්කරුවන්ගේ සංසදය මගින් ඉදිරිපත් කරන ලද myblog.lk අඩවිය Most Favourite Sri Lankan Website- 2009- Sinhala Category තරගයෙන් ඉල්ලා අස්කරගනු ලැබේ.

මෙයට,
සිංහල බ්ලොග්කරුවන්ගේ සංසදය

වැඩි විස්තර http://groups.google.com/group/sinhala-bloggers/browse_thread/thread/be0bb692d7a326fb?hl=si#

ඩයලොග් දැන් තත්පරයට.........

2008-09-27T11:05:00.000+05:30

ඩයලොග් පාරිභෝගිකයින්‍ බොහෝ කලක් තිස්සේ බලා සිටි අවස්ථාවක් 2008 සැප්තැම්බර් 28 දින උදා වෙයි. එනම් සිය සම්බන්ධතාවය විශේෂ තත්පරයට අය කිරීමේ ක්‍රමයට මාරුවීමේ හැකියාව 2008 සැප්තැම්බර් 28 දින සි‍ට ලබා දෙයි.
එවිට ගාස්තු පහත පරිදි වෙනස් වේ.

පෙරගෙවුම් සම්බන්ධතාවයන් සඳහා

ලබාගන්නා ඇමතුම්
ඩයලොග් අංකයකට රු. 3/-
ඩයලොග් නොවන අංකයකට රු5/-

ලැබෙන ඇමතුම්
ඩයලොග් අංකයකින් සම්පූර්ණයෙන්ම නොමිලේ
ඩයලොග් නොවන අංකයකින් රු 3/-
මෙහිදී ලැබෙන ඇමතුම් පළමු විනාඩි 2ක අවමයක් නොමිලේ ලැබේ.

එසේම 5 for 50 නමින් විශේෂ incoming free ක්‍රමයක්ද හදුන්වාදෙයි. එනම් ඔබ reload කරනා ‍සෑම රු10/-කටම දිනක් බැගින් incoming free පහසුකම ලබාදේ.

පසුගෙවුම් සම්බන්ධතාවයන් සඳහා

ලබාගන්නා ඇමතුම්
ඩයලොග් අංකයකට රු. 2/- Late Night රු 2/-
ඩයලොග් නොවන අංකයකට රු3/- Late Night රු 2/-

ලැබෙන ඇමතුම්
සම්පූර්ණයෙන්ම නොමිලේ

මාසික ‍ගාස්තුව රු300/-
රු500/- ගෙවා මෙම විශේෂ පැකේජයට මාරු විය හැක.
නව සම්බන්ධතාවයක් රු1000/-

මෙය සක්‍රිය කි‍රීමට #678# අමතන්න

අලුත් ඇරඹුම

2008-08-23T14:25:00.000+05:30

මගේ ජීවිතයේ අලුත් පිටුවක් පෙරලමින් අද දින සිට සිංහලෙන් Blog එකක් කරන්න පටන් ගන්‍නයි මේ සූදානම.............

Category	Program	Category	Program
Office	OpenOffice Writer	Desktop	XFCE
	OpenOffice Calc	Education	avogadro
	OpenOffice Impress		tuxmath
	OpenOffice Base		dia
	Planner	Language Support	Sinhala
	evince		Tamil
Internet	alpine	kdeedu
	empathy	Multimedia	Totem
	firefox		Gnome player
	xchat		gxine
Graphics	Blender	Utilities	xchm
	Inkscape		unrar
	GIMP		unace
	Mirage		avant-window-navigator
Development	C/C++		catfish
	Phython		xfce4-power-manager
	Ruby		xfce4-mixer
	php		notecase
	bluefish		galculator
	geany		alsa-plugins-pulseaudio
			desktop-backgrounds-compat
			liveusb-creator
			NetworkManager-gnome
			pavucontrol
			setroubleshoot
			xdg-user-dirs